Знешні інтэрнэт-шлюз Беларусі пашыраны да 100 Гбіт/c

«Белтэлекам» пашырыў знешні інтэрнэт-шлюз краіны да 100 Гбіт/c.

Работы па пашырэнні шлюза прайшлі сумесна з расейскім аператарам сувязі «ВымпелКам». На дадзены момант у расейскім напрамку арганізавана 80 Гбіт/с і 20 Гбіт/c ў напрамку Захаду, паведамляе прэс-служба РУП «Белтэлекам».

Папярэдняе пашырэнне адбылося 14 лютага 2011 г., калі ёмістасць знешняга канала была пашыраная на 10 Гбіт/c ў заходнім кірунку.

Нагадаем, «Белтэлекам» манапольна кантралюе знешні інтэрнэт-шлюз Беларусі.