Зміцер Бандарэнка скончыў знаёмства са справай
6- 8.04.2011, 16:54
![Зміцер Бандарэнка скончыў знаёмства са справай](https://i.c97.org/p/20080523_bond_t.jpg)
Каардынатар "Еўрапейскай Беларусі" Зміцер Бандарэнка скончыў знаёміцца з матэрыяламі крымінальнай справы.
2 тома крымінальнай справы Зміцер прачытаў за паўтара дні. Пра гэта charter97.org паведаміла жонка палітвязня Вольга Бандарэнка.
Сёння ж адвакат змог перадаць жонцы палітыка асабістыя рэчы, канфіскаваныя падчас арышту.
Справа Зміцера Бандарэнкі будзе разглядацца асобна, як мяркуецца, у канцы красавіка - пачатку мая.
Нагадаем, 4 красавіка каардынатару "Еўрапейскай Беларусі" было прад'яўленае новае больш мяккае абвінавачванне па ч.1.арт.342 (арганізацыя і падрыхтоўка дзеянняў, якія груба парушаюць грамадзкі парадак, альбо актыўны ўдзел у іх). Раней ён абвінавачваўся ў арганізацыі так званых масавых беспарадкаў.
Зміцер Бандарэнка быў арыштаваны ў сябе дома раніцай 20 снежня пасля разгону мірнай акцыі пратэсту супраць фальсіфікацыі вынікаў выбараў.