У Стакгольме запатрабавалі ўвесці супраць Беларусі санкцыі

У цэнтры Стакгольма прайшоў пікет салідарнасці з беларускімі палітвязнямі.

Сярод выступоўцаў былі дэпутаты шведскага парламента ад розных партый, а таксама кіраўнік шведскай ініцыятывы за дэмакратыю і правы чалавека Östgruppen - Марцін Угла.

У сваім выступе Марцін Угла запатрабаваў неадкладнага вызвалення ўсіх беларускіх палітвязняў. Ён таксама прапанаваў, каб ЕЗ для ўзмацнення ціску на беларускія ўлады увёў кропкавыя эканамічныя санкцыі.