Пазабіржавы рынак валюты перастаў існаваць

Вяртанне яшчэ не забытага фінансавым рынкам абмежавання па курсаўтварэнні «Нацбанк +/- 2%» выклікаў цалкам чаканую рэакцыю беларускіх банкаў.

Сёння, у першы дзень новай курсавой рэальнасці, пазабіржавы валютны рынак краіны не адкрыўся па адной простай прычыне - ён (рынак) перастаў існаваць.

Варта адзначыць, што банкі і суб'екты гаспадарання за доўгія гады напрацавалі вялікі досвед і мноства шэрых схем, якія дазваляюць абыйсці 2% абмежаванне па курсе. Аднак падобная практыка усім ужо парадкам надакучыла.

Спроба высветліць магчымы пазабіржавы рэальны курс пасля абвешчанай дэвальвацыі скончылася нічым. Адказ прадстаўнікоў банкаў, як буйных, так сярэдніх і дробных, незалежна ад геаграфіі паходжання статутнага капіталу, быў прыкладна аднолькавым.

«Які наХХХ пазабіржавы рынак?! Няма пазабіржавага рынку і не будзе. Шэрыя схемы? Нам гэта надакучыла...»

Не лепшым чынам складваецца і сітуацыя на наяўным сегменце валютнага рынку. Як паведамлялася, Нацбанк РБ пацвердзіў, што не мае намеру прадаваць валюту банкам для папаўнення валютнай ліквіднасці абменных пунктаў.

«Падмацоўваць абменныя пункты валютай мы не будзем. У нас яе няма і браць яе няма дзе», - вынеслі вердыкт беларускія банкі, перадае АФН.