У справе падпалу бабруйскага КДБ з'явіліся прэтэнзіі ў 2 мільярды

Праўда, сутнасць гэтых прэтэнзій пакуль няясная.

Нагадаем, 5 мая ў судзе Бабруйскага раёна і Бабруйска прайшло першае пасяджэнне па справе падпалу мясцовага КДБ. На ім разглядалі справы адразу трох падазраваных - Яўгена Васьковіча, Арцёма Пракапенкі і Паўла Сырамалотава.

Маці Яўгена, Рушанія Васьковіч, распавяла сайту «Вясна», што на першым пасяджэнні, у асноўным, апытвалі сведкаў. Па ейных словах, размова ішла таксама аб нейкіх двух мільярдах беларускіх рублёў, якія быццам бы павінныя заплаціць хлопцы за тое, што «хацелі спаліць КДБ». Але пры гэтым пра артыкул 218 (пашкоджанне маёмасці) нават не ўзгадвалі.