The New York Times пра бунты ў Беларусі

«Гэта можна назваць макаронным бунтам», - піша пра падзеі ў Беларусі Эндру Крамер на старонках The New York Times.

Пратэсты ўздоўж мяжы з Польшчай пачаліся ў панядзелак, пасля таго як аўтарытарны ўрад усталяваў правілы, якія абмяжоўваюць вываз з краіны сыра, масла, макаронаў і шэрагу іншых прадуктаў харчавання, а таксама лядоўні, кухонныя пліты і бензін. Беспарадкі былі хутка падушаныя органамі правапарадку.

«Абмежаванні, аб якіх было абвешчана на выходных, сталі чарговым крокам у савецкім духу, прынятым Аляксандрам Лукашэнкам з мэтай барацьбы з фінансавым крызісам», - адзначае аўтар.

Беспарадкі, зладжаныя кіроўцамі ўздоўж мяжы, супалі па часе з заключным днём візіту ў Менск, сталіцу Беларусі, місіі Міжнароднага валютнага фонду. Кіраўнік місіі, Крыс Джарвіс, заявіў на прэс-канферэнцыі, што Беларусі давядзецца пагадзіцца на структурныя рэформы сваёй эканомікі, перш чым ёй будзе вылучаны крэдыт для стабілізацыі ейнага рубля.

Але эксперты кажуць, што такія перспектывы падаленыя. «У ягонай доўгай біяграфіі нішто не сведчыць пра цікавасць да рэальных структурным рэформаў, - сказаў пра Лукашэнку ў тэлефонным інтэрв'ю Кліф Купчан, аналітык Eurasia Group. - Увесці рынкавую эканоміку азначала б дапусціць хоць нейкую палітычнае прастору, што, па азначэнні, пагражала б сістэме такога кшталту».