Шпацыр па Гомелі дорага абышлася расейцу
28- 16.06.2011, 16:23
Грамадзянін Расеі, затрыманы падчас маўклівай акцыі салідарнасці ў Гомелі 15 чэрвеня, аштрафаваны на 735 тысяч беларускіх рублёў.
Суддзя Цэнтральнага раёна Гомеля прызнала ураджэнца Хабараўскага краю вінаватым у парушэнні артыкулаў 17.1 «Дробнае хуліганства» і 23.4 «Непадпарадкаванне законнаму патрабаванню службовай асобы» Адміністрацыйнага кодэкса, паведамляе «Радыё Рацыя».
Падчас акцыі «Рэвалюцыя праз сацыяльныя сеткі», якая адбылася напярэдадні ў Гомелі, былі затрыманыя 6 чалавек. Сярод іх апынуўся выпадковы мінак - грамадзянін Расеі. Як патлумачыла журналістам ягоная жонка, яны гуляла ў парку і нават не ведалі аб правядзенні якой-небудзь акцыі. Раптам да ейнага мужа падышлі супрацоўнікі спецназа і без тлумачэння прычынаў затрымалі і даставілі ў Цэнтральны РАУС. Ноч ён правёў у ізалятары часовага ўтрымання.
