У Наваполацку адключылі ТНТ

Хваля адключэнняў папулярнага расейскага тэлеканала дакацілася да рэгіёнаў.

Як паведамляюць чытачы charter97.org, у Наваполацку з учорашняга дня камунальнае унітарнае прадпрыемства «Наваполацкае кабельнае тэлебачанне «Вектар» спыніла трансляцыю расейскага тэлеканала. Адключэнне нібыта звязанае «з эканамічнымі праблемамі ў арганізацыі».

Цяпер глядзець ТНТ ў горадзе можна толькі праз спадарожнікавую антэну.

Нагадаем, у Менску расійскі тэлеканал быў фактычна адключаны яшчэ 1 чэрвеня. ААТ «Менскія тэлевізійныя інфармацыйныя сеткі» перавяло ТНТ ў недасяжны для большасці пакет лічбавых праграм на частату 258 Мгц.

Назіральнікі адзначаюць, што на ТНТ у шоў «Камедзі-клаб» у апошні час часта адпускаюць жорсткія жарты ў адрас Аляксандра Лукашэнкі і, магчыма, менавіта з гэтым звязаныя праблемы тэлеканала ў Беларусі.