«Наша Ніва»: Сёння «Стоп бензін», а заўтра «Стоп рэжым»?

Лукашысты апынуліся няздольнымі спыніць пратэст аўтамабілістаў.

У цэнтры Менска найбольш уражвала поўнае адзінства: рэпарцёры «Нашай Нівы» не сутыкнуліся ні з адной праявай асуджэння акцыі аўтамабілістаў.

Цяжка прадказаць, ці пяройдзе пратэст ад эканамічных патрабаванняў да палітычных. Пакуль пратэсты арганізуюць разрозненыя групы актывістаў, пераважна праз сацыяльныя сеткі. Гэта адбываецца пры глухім маўчанні разгромленых партый. Аднак менавіта гэтае маўчанне і ўзмацняе верагоднасць стыхійнага, нечаканага выхаду пратэставай энергіі.

Пры тых настроях, якія пануюць у Менску сёння, «Наша Ніва» не выключае, што ўлады адменяць традыцыйны парад 3 ліпеня.