Грамадзянка Беларусі загінула на «Булгарыі»
10- 12.07.2011, 13:28
Сваякі апазналі грамадзянку Беларусі сярод загінулых на патанулым на Волзе цеплаходзе «Булгарыя».
Пра гэта паведаміў РІА Новости ў аўторак прадстаўнік прэс-службы беларускага МЗС.
«Сёння раніцай сярод выяўленых целаў загінулых сваякі апазналі грамадзянку Беларусі», - сказаў суразмоўца агенцтва. На цеплаходзе было двое беларусаў, аднаго выратавалі.
Паколькі дакументы грамадзянаў Беларусі, якія знаходзіліся на патанулым судне, зніклі, аддзяленне амбасады займаецца афармленнем ўсіх неабходных дакументаў, а таксама пытаннем дастаўкі цела загінулай на радзіму, сказаў прадстаўнік знешнепалітычнага ведамства.
