Хаджыч мог хавацца ў Беларусі

Беларусь даўно стала прытулкам для збеглых міжнародных злачынцаў.

Былы кіраўнік Рэспублікі Сербская Краіна Горан Хаджыч, калі знаходзўся ў вышуку, двойчы бываў у Расеі і працаваў там. Пра гэта, як паведамляе «Коммерсантъ», сербскай газеце «Бліц» паведаміла крыніца, блізкая да следства.

Чым менавіта Хаджыч займаўся ў Расеі, дзе ён, па словах суразмоўцы газеты, знаходзіўся па некалькі гадоў, не ўдакладняецца.

Як распавялі газеце, найбольшую дапамогу Хаджычу аказалі людзі былога начальніка сакрэтнай службы Сербіі Ёвіцы Станішыча і ягонага намесніка Фрэнкі Сіматовіча (Станішыч і Сіматовіч ў 2003 годзе былі арыштаваныя сербскімі ўладамі і выдадзеныя Гаагскаму трыбуналу).

Інфармацыя пра тое, што Хаджыч хаваецца ў Расеі, з'яўлялася ў СМІ неаднаразова. Паводле некаторых публікацыях, у Расеі ён нібыта ажаніўся і ў яго нарадзіўся дзіця. Па іншых дадзеных, Хаджыч знаходзіўся ў Беларусі. Таксама не раз паведамлялася, што ён карыстаецца заступніцтвам сербскіх спецслужбаў.

21 ліпеня афіцыйны прадстаўнік МЗС РФ Аляксандр Лукашэвіч заявіў, што расейскія ўлады не валодаюць інфармацыяй аб знаходжанні Хаджыча на тэрыторыі краіны.

Ордэр на арышт Хаджыч быў выдадзены Гаагскім трыбуналам у 2004 годзе, аднак падазраванаму атрымалася схавацца. Ён быў арыштаваны раніцай 20 ліпеня 2011 года на поўначы Сербіі. Сербскі суд пастанавіў выдаць яго ў Гаагу. Як паведамляе Reuters, у цяперашні час Хаджыча, як мяркуецца, вязуць у аэрапорт Бялграда для экстрадыцыі.

Міжнародны трыбунал па былой Югаславіі прад'явіў Хаджычу абвінавачванні па 14 пунктах, у тым ліку ў пераследзе па палітычных, расавых і рэлігійных матывах, у дэпартацыя, катаваннях і датычнасці да забойстваў. Па версіі трыбунала, сваімі дзеяннямі Хаджыч імкнуўся вымусіць несербское насельніцтва пакінуць тэрыторыю Сербскай Краіны, якая існавала на тэрыторыі Харватыі ў 1991 - 1995 гадах. Ён быў апошнім падазраваным, якога шукаў Гаагскі трыбунал.