Anonymous: Белтэхэкспарт прадаў Сірыі прыцэлы і біноклі

Беларускі экспарцёр зброі, супраць якога з чэрвеня ўведзены эканамічныя Еўразвяза, кампанія Белтэхэкспарт паставіла ў Сірыю лазерныя прыцэлы і біноклі начнога бачання на агульную суму 1569750 еўра.

Сканы адпаведных дакументаў і перапіскі паміж Белтэхэкспартам і Міністэрствам абароны Сірыі былі апублікаваныя ў сетцы Інтэрнэт хакерскай групай Anonymous, які ўзламаў серверы італьянскай кіберпаліцыі.

Кантракт паміж бакамі датуецца яшчэ 2006 годам.

Пастаўка 650 лазерных прыцэлаў для аўтамата Калашнікава і 650 бінокляў начнога бачання была ажыццёўленая ў 2008 годзе.

Канчатковыя разлікі, 10% ад сумы кантракта, былі зроблены ў 2011 годзе па заканчэнні гарантыйнага тэрміну на пастаўленую прадукцыю.

Нагадаем, з сярэдзіны сакавіка 2011г. ў Сірыі працягваюцца масавыя беспарадкі, выкліканыя аналагічнымі хваляваннямі ў іншых краінах Блізкага Усходу і Паўночнай Афрыкі. Удзельнікі хваляванняў патрабуюць адстаўкі прэзідэнта Б. Асада і правядзення палітычных рэформаў. Сірыйскія ўлады жорстка перарываюць несанкцыянаваныя акцыі пратэсту, у тым ліку ужываючы вайсковыя падпаддзяленні. Праваабарончыя арганізацыі заяўляюць, што з пачатку хваляванняў у ходзе вулічных беспарадкаў былі забітыя каля 1 тыс. 600 чалавек. Самі сірыйскія ўлады заяўляюць, што да беспарадкаў датычныя тэрарыстычныя групоўкі, паведамляе АФН.