Глоба: У Беларусі будзе дзяржпераварот
254- 8.07.2011, 10:37
На думку астролага, Лукашэнку павінныя скінуць на працягу двух гадоў.
Прэзідэнт Асацыяцыі авестыйскай астралогіі вядомы Павел Глоба, у інтэрв'ю інтэрнэт-парталу «Yтро» сказаў, што 21 стагоддзе стане пераломным ў многіх адносінах. Вырашальнымі ж для ўсяго свету стануць бліжэйшыя 10 гадоў.
Астролаг не выключыў Трэцюю сусветную вайну, у якой калі і будуць нейкія лідэры, то імі апынуцца радыкальныя мусульмане. З 2014 па 2018 г. ваенныя дзеянні могуць разгарнуцца на Каўказе і ў Сярэдняй Азіі.
Глоба распавёў, што эканамічны саюз Расеі, Казахстана і Беларусі не толькі выстаіць, але і ўмацуецца, хоць будуць спробы яго разваліць. Пазней ўтворыцца «не проста адзіны эканамічны саюз, а як Еўразійскі саюз», у які ўвойдуць амаль усе рэспублікі СССР, амаль усе краіны Усходняга Блока і нават Грэцыя і Манголія. Стварыць такую велізарную і стабільную прастору атрымаецца гадоў праз 25-30, але толькі пры ўмове, што ў гэтыя планы не ўмяшаецца, ізноў жа, Трэцяя сусветная вайна.
Украіну, на думку астролага, светлае будучыня чакае толькі ў саюзе з Расеяй і толькі пры будучым прэзідэнце. А вось Беларусь чакае дзяржаўны пераварот.
З гэтай нагоды Глоба сказаў: «Лукашэнка будуць спрабаваць скінуць на працягу двух гадоў, будуць дзве спробы перавароту, страшны эканамічны ціск».