Раман Бяссмертны: Беларусь страціла кантроль над газатранспартнай сістэмай

Былы амбасадар Украіны ў Беларусі лічыць, у Беларусі «газавае пытанне зайшло настолькі далёка».

Раман Бяссмертны мяркуе, што «апетыты» Расеі ў дачыненні да газатранспартнай сістэмы Украіны настолькі вялікія, што іх немагчыма задаволіць.

Аб гэтым ён сказаў у інтэрв'ю «Радыё Свабода», каментуючы заяву кіраўніка «Газпрама» Аляксея Мілера аб тым, што з Украінай у энергетычнай сферы можна было б супрацоўнічаць па той жа схеме, што і з Беларуссю.

«Няма тых умоваў з украінскага боку, якія маглі б задаволіць апетыты Масквы ў пытаннях транспарціроўкі газу і ў пытаннях уласнасці на тэрыторыі Украіны. Апетыты «Газпрама» і палітычныя апетыты ў Маскве настолькі высокія, што Украіна ў прынцыпе іх не можа задаволіць, асабліва ў галіне газатранспартнай сістэмы, калі іх параўноўваць і шукаць нейкія аналогіі з беларускім сітуацыяй », - дадаў ён.

Раман Бяссмертны адзначыў, што ў Беларусі «пытанне зайшло настолькі далёка, што фактычна Беларусь як краіна страціла цалкам кантроль над газатранспартнай сістэмай, альбо можа страціць неўзабаве».

«Гэта занчыць, што ўсе размовы аб коштавых умовах або ільготах проста губляюць сэнс. Відавочна, што ва Украіны ёсць толькі адзін варыянт развіцця - гэта памяншаць аб'ёмы спажывання газу. Гэта спосаб вырашэння праблем з «Газпрамам». Іншага механізму я не бачу», - заявіў ён.

На пытанне, ці магчыма, каб Украіна пагадзілася на ўмовы Расеі і аддала кантроль над сваёй газатранспартнай сістэмай, Бяссмертны адказаў:

«Гэта значыць, што Украіна павінная выйсці з Сусветнай гандлёвай арганізацыі, гэта значыць, што яна павінная дэнансаваць большасць міжнародных пагадненняў у галіне паліўна-энергетычнага комплексу, энергетыкі ў цэлым. Гэта значыць, у прынцыпе, я не бачу такой магчымасці».