Палітвязень Дашкевіч заяўляе аб катаваннях

У калоніі ў Горках стаўленне да палітвязня надзвычай жорсткае.

Як стала вядома прэс-службе «Маладога Фронту», у лідэра арганізацыі Зміцера Дашкевіча маюцца шматлікія скаргі на нестатутнае абыходжанне ў турме, якое можна трактаваць як выкарыстанне катаванняў, а таксама скаргі на неаднаразовае парушэнне ягонага права на абарону і іншых прадугледжаных законам правоў адміністрацыяй ВК № 9. Палітвязень таксама заяўляе пра ціск і правакацыі ў дачыненні да яго з боку асуджаных.

У сувязі з вышэйпададзенай інфармацыяй «Малады Фронт» запрашае на надзвычайную прэс-канферэнцыю, якая адбудзецца 30 жніўня (аўторак) ў 12 гадзін у Менску па адрасе Кульман, 4.