Пад Добрушам загарэлася праваслаўная царква (Фота)
7- 12.09.2011, 10:36
У вёсцы Ніўкі Добрушскага раёна 11 верасня каля 14.00 загарэўся праваслаўны храм.
Пра гэта паведаміў БелаПАН прэс-сакратар Гомельскага абласнога ўпраўлення МНС Руслан Габрылёў.
Гарэў дах царквы Аляксандра Неўскага Добрушскай благачынні Гомельскай епархіі. Будынак храма цагляны, 1990 года пабудовы. Агнём было пашкоджана 30 квадратных метраў бляшанага даху і 50 квадратных метраў драўлянага лачання, памяшканне закуранае. Людзей падчас пажару ў храме не было, нядзельнае набажэнства тут скончылася каля 12.00.
Будынак царквы не абсталяваны пажарнай сігналізацыяй. Прычына пажару высвятлецца, як мяркуецца, да ўзгарання прывяла няспраўная праводка.
![](/photos/20110912-1_nivki.jpg)
![](/photos/20110912-2_nivki.jpg)
![](/photos/20110912-3_nivki.jpg)
![](/photos/20110912-4_nivki.jpg)
![](/photos/20110912-5_nivki.jpg)
Фота: МНС