У Барысаве абрабавалі банкамат

Двое жыхароў Менска (1984 г.н. і 1987 г.н.) скарысталіся падробленымі банкаўскімі пластыкавымі карткамі дзеля здзейснення крадзяжу 46,1 мільёна рублёў з банкамата ААТ «АСБ Беларусбанк» у Барысаве.

Упраўленнем Следчага камітэта ўзбуджаная крымінальная справа па частцы 4 артыкула 212 КК Рэспублікі Беларусь (крадзёж шляхам выкарыстання кампутарнай тэхнікі), якая прадугледжвае пазбаўленне волі на тэрмін ад шасці да пятнаццаці гадоў з канфіскацыяй маёмасці.