Жыхар Менска прадаў машыну за 18 тысяч фальшывых даляраў

Крымінальная справа за фальшываманецтва па ч. 2 арт. 221 Крымінальнага кодэкса распачатая па факце разліку невядомых з прадаўцом аўтамашыны падробленымі грашовымі купюрамі.

Як паведамілі БелаПАН у праваахоўных органах, 28 студзеня паблізу вёскі Азярцо Менскага раёна двое невядомых, калі набывалі ў менчука аўтамашыну «Фольксваген», расплаціліся з ім 181 купюрай вартасцю 100 даляраў ЗША і схаваліся на гэтым аўтамабілі.