Саша Варламаў ужо 4 месяцы ляжыць у турэмным шпіталі

Ён дрэнна сябе адчувае і нават не выходзіць на прагулкі.

Пра гэта «Еўрарадыё» паведаміла сястра мадэльера Рыма Шымчонак:

«Яму надакучыла гэта ўсё. Хоць бы нейкае рашэнне было. Акрамя таго, у яго спіна баліць. Вядома, настрой у яго ўпадніцкі. Колькі ўжо гэта ўсё можа працягвацца? Цяжка яму там. Цяпер вось чамусьці не піша. Раней амаль кожны дзень атрымлівалі лісты, акрамя выходных. Можа яму цяпер не вельмі добра».

У турэмны шпіталь Варламава змясцілі ў жніўні. Па словах Рымы Шымчонак, ён не ходзіць на прагулкі, таму што баліць спіна. А на шпацырах няма дзе прысесці. Апошні ліст сваякам мадэльер дасылаў перад Новым годам. Зараз ад яго вестак няма.

Нагадаем, Саша Варламаў ужо 9 месяцаў знаходзіцца за кратамі. У пачатку яго вінавацілі ў перавышэнні службовых паўнамоцтваў і крадзяжы шляхам злоўжывання службовымі паўнамоцтвамі. У лістападзе на дызайнера завялі яшчэ два справы - за перавышэнне ўлады або службовых паўнамоцтваў, здзейсненых з карыслівай або іншай асабістай зацікаўленасці, а таксама за махлярства.

Тэрмін знаходжання яго пад вартай заканчваецца 19 лютага.