Фотафакт: у Беларусі прадаюцца кампутары на Windows 8

Сусветны рэліз аперацыйнай сістэмы Windows 8 адбудзецца праз паўтары тыдні, 26 кастрычніка.

Прыкладна ў гэты ж час пачнуць прадавацца кампутары на базе дадзенай АС. Аднак сёння Onliner.by заўважыў, што ў Беларусі ўжо можна купіць ноўтбук пад кіраваннем аперацыйнай сістэмы, якая яшчэ не выйшла.

Лэптоп HP на Windows 8 выявілі ў адной з кампутарных крам Менска. Гаворка, вядома ж, ідзе не пра пірацкую АС, а пра OEM-версію платформы. Карпарацыя Microsoft даўно разаслала партнёрам-вытворцам новую аперацыйную сістэму, аднак прылады пад яе кіраваннем не павінны трапляць у продаж да афіцыйнага рэлізу Windows 8.