Віктар Івашкевіч: Не адцягвайцеся ад эканамічных санкцый

Зрушэнне ўвагі на адмену чэмпіянату свету па хакеі палітык лічыць спекуляцыяй.

Нядаўна стала вядома, першынство свету па хакеі ў Менску можа быць адменена. Справа ў тым, што цікавасць да чэмпіянату свету па хакеі, які павінен прайсці ў траўні 2014 года, фактычна праз тры месяцы пасля Алімпійскіх гульняў у Сочы, можа быць вельмі нізкай. Таму многія краіны прапануюць змяніць фармат чэмпіянату ці ўвогуле адмяніць яго.

Сайт charter97.org пацікавіўся ў аднаго з лідэраў беларускай апазіцыі Віктара Івашкевіча, ці з'яўляецца Алімпіяда ў Сочы фармальнай прычынай для адмены чэмпіянату свету па хакеі ў Беларусі, якую выкарыстоўвае Міжнародная федэрацыя хакея, якая не хоча «мяшаць спорт і палітыку» і адмяняць першынство па палітычных прычынах:

«Справа ў тым, што палітычны ціск могуць несці толькі тыя палітычныя дзеянні, якія нясуць дэманстратыўны і дэкларатыўны характар. А вось эканамічныя санкцыі могуць выкарыстоўвацца без шырокай агалоскі, але пры гэтым яны будуць біць па канкрэтнай кішэні дыктатара. Дзеянні, якія не закранаюць кашалёк дыктатара, могуць уплываць на палітыку, толькі калі гэта ясна сфармуляваная палітычная акцыя, інакш ад іх эфекту няма», - сказаў палітык.

Па словах Віктара Івашкевіча, нельга перамяшчаць увагу на адмену чэмпіянату свету і такім чынам забываць пра пытанне ўвядзення эканамічных санкцый:

«Тое, што замест эканамічных санкцый нам спрабуюць прапанаваць адмену розных спартыўных гульняў - гэта спекуляцыя. Толькі эканамічныя рычагі могуць рэальна ўплываць на рэжым. А ўсе гэтыя намінальныя закамуфляваныя акцыі не маюць ніякага ўплыву на дзеянні рэжыму».