Азаранка - у дваццатцы лепшых спартсменаў Еўропы
26- 27.12.2012, 9:27
Беларуска Вікторыя Азаранка заняла 13-е месца па выніках апытання польскага інфармагенцтва РАР па вызначэнні лепшага спартсмена Еўропы 2012 года.
Штогадовае традыцыйнае апытанне праводзіцца ўжо ў 55-ы раз, паведамляе БелТА.
Лепшым спартсменам Еўропы 2012 года ў выніку апытання, праведзенага сярод інфармацыйных агенцтваў 26 краін кантынента, стаў трохразовы (2010, 2011, 2012) чэмпіён свету па аўтагонках Формулы-1 Себасцьян Фетэль з Германіі.
Дваццатка лепшых спартсменаў Еўропы па выніках апытання агенцтва РАР выглядае так:
1. Себасцьян Фетэль (Германія), Формула-1 - 137 ачкоў.
2. Брэдлі Уігінс (Велікабрытанія), шашэйныя велагонкі - 130.
3. Махамед Фарах (Велікабрытанія), лёгкая атлетыка - 126.
4. Новак Джокавіч (Сербія), тэніс - 108.
5. Андрэс Ін'еста (Іспанія), футбол - 103.
6. Эндзі Марэй (Велікабрытанія), тэніс - 67.
7. Крышціяну Раналду (Партугалія), футбол - 66.
8. Ранамі Крамавіджоджа (Галандыя), плаванне - 55.
9. Роджэр Федэрэр (Швейцарыя), тэніс - 50.
10. Себасцьян Лёб (Францыя), аўтаралі - 47.
11. Янік Аньель (Францыя), плаванне - 46.
12. Роры Макілрой (Паўночная Ірландыя), гольф - 39.
13. Вікторыя Азаранка (Беларусь), тэніс - 32.
14. Крыс Хой (Велікабрытанія), велагонкі на трэку - 24,5
15. Марыт Б'ёрген (Нарвегія), лыжныя гонкі - 24.
16-17. Джэсіка Эніс (Велікабрытанія), лёгкая атлетыка - 20.
16-17. Магдалена Нойнер (Германія), біятлон - 20.
18. Марсэль Хіршэр (Аўстрыя), горныя лыжы - 19.
19. Яўген Малкін (Расея), хакей - 16.
20. Томаш Маеўскі (Польшча), лёгкая атлетыка - 14.
У папярэднія гады пераможцамі апытання польскага агенцтва РАР восем гадоў запар (з 2004 года) станавіліся тэнісісты. Прычым пяць разоў лепшым прызнаваўся швейцарац Роджэр Федэрэр (2004, 2005, 2006, 2007, 2009). Праўда, у 2005 годзе ён падзяліў верхні радок з расейскай лёгкаатлеткай Аленай Ісінбаевай. Упершыню анкетаванне журналістаў, у якім рэспандэнтам прапаноўвалася назваць сваю версію дзесяткі лепшых спартсменаў Еўропы, праведзена ў 1958 годзе.