Прэм'ер-міністр Польшчы: Жыве Беларусь! (Відэа)

Прэм'ер-міністр Польшчы Дональд Туск звярнуўся да беларусаў па-беларуску.

«Калі на шалях будзе знаходзіцца лёс палітвязняў, то Польшча заўсёды будзе выказвацца за ўвядзенне санкцый» - заявіў на прэс-канферэнцыі ў Варшаве прэм'ер Польшчы Дональд Туск. Ён дадаў, што рэакцыя афіцыйнага Менска на пашырэнне «чорнага спісу» ЕЗ сведчыць аб тым, што санкцыі ЕЗ «б'юць у балючае месца рэжыма», паведамляе «Польскае радыё».

Дональд Туск звярнуўся да грамадзянаў Беларусі на беларускай мове:

«Я хачу сказаць пару словаў да грамадзянаў Беларусі. Будзьце моцнымі. Трымайцеся! Жыве Беларусь!».

Туск дадаў, што Польшча будзе далей супрацоўнічаць з беларускай апазіцыяй.