Па ўсёй Беларусі не працавалі банкаўскія карткі

5 лютага чытачы паведамлялі пра шматлікія праблемы з безнаяўнымі плацяжамі па пластыкавых картках ў Беларусі.

Па тэлефоне лініі падтрымкі аднаго з буйных беларускіх банкаў TUT.by пацвердзілі, што «пакуль ёсць праблемы», але не змаглі назваць іх прычыны і тэрміны ліквідацыі.

У іншым банку паведамілі, што «з-за праблемы з аплатнымі тэрміналамі насамрэч недасяжныя безнаяўныя плацяжы для банкаў сістэмы СБС». Пры гэтым супрацоўніца падкрэсліла, што праблемаў з працай банкаматаў гэтай сістэмы няма і заўтра (6 лютага) чакаецца рашэнне праблемы з безнаяўнымі плацяжамі.

Тым не менш, чытачы паведамлялі аб і цяжкасцях не толькі з карткамі банкаў сістэмы СБС, але з «пластыкам» шэрагу іншых банкаў - БПБ-Ашчадбанка, Прыёрбанка, Белінвестбанка, ВТБ і нават Беларусбанка.

Магчыма, праблемы звязаныя з тэхналагічнымі працамі, праведзенымі ў ААТ «Банкаўскі працэсінгавы цэнтр». Як паведамлялася раней, яны павінныя былі пачацца ў 2 гадзіны ночы і скончыцца ў 6 гадзін раніцы нядзелі, 5 лютага: «У названы прамежак часу магчымыя перапынкі ў забеспячэнні працэсінгу аперацый па пластыкавых картках кліентаў банка, а таксама ў абслугоўванні трымальнікаў картак у сеткцы арганізацый гандлю (сэрвісу), пунктах выдачы наяўных грошай, банкаматах, інфакіёсках, падключаных да ААТ «Банкаўскі працэсінгавы цэнтр».

З «перапынкамі ў абслугоўванні» жыхары Беларусі сутыкнуліся і пасля абвешчанага часу заканчэння тэхнічных прац.