30-градусныя маразы вернуцца ў канцы тыдня

У канцы бягучага тыдня ў Беларусі зноў чакаюцца трыццаціградусная маразы.

Пра гэта паведаміла БелТА галоўны сіноптык Рэспубліканскага гідраметэацэнтра Людміла Парашчук.

У мінулыя выходныя дні ўмовы надвор'я некалькі змяніліся. Маразы паслабелі і мінулай ноччу тэмпература паветра вагалася ад мінус 10 градусаў на паўднёвым усходзе да мінус 22 градусаў на паўночным захадзе краіны. У многіх раёнах прайшоў снег. Прыкметна павялічылася вышыня снежнага покрыва. Па апошніх дадзеных, ён складае 14-31 см, а ў Гомельскай і ў шматлікіх раёнах Магілёўскай вобласці - 32-59 см. На шэрагу метэастанцый Гомельскай вобласці - Жлобін, Васілевічы, Мазыр, Брагін - перавышаная максімальная за зіму вышыня снежнага покрыва за ўвесь перыяд інструментальных назіранняў на гэтых метэастанцыях. Напрыклад, на метэастанцыі Васілевічы ён склаў 63 см. На канец першай дэкады лютага звычайна вышыня снежнага покрыва дасягае 8-22 см.

Снегапады былі абумоўленыя праходжаннем атмасфернага фронту з поўдня Еўропы. Але ў бліжэйшыя суткі франтальны падзел будзе губляць актыўнасць і перамяшчацца на паўночны захад краіны.

У пачатку тыдня ў цэлым па Беларусі будзе воблачнае з праясненнямі надвор'е. Ноччу і раніцай у шматлікіх раёнах, а ўдзень па паўночным захадзе пройдзе невялікі снег. На асобных участках дарог захаваецца галалёдзіца. Вецер усходні ад 5 да 10 метраў у секунду. Тэмпература паветра ў аўторак у начныя гадзіны складзе мінус 12-18 градусаў, пры праясненнях да мінус 20-22 градусаў. Днём яна будзе знаходзіцца ў межах 8-14 градусаў марозу.

У сярэдзіне тыдня рост атмасфернага ціску пачне ўзмацняць уплыў халоднага антыцыклону з цэнтрам над поўначчу еўрапейскай часткі Расеі. Снег ў шматлікіх раёнах спыніцца. У чацвер тэмпература паветра ў начныя гадзіны складзе мінус 15-20 градусаў, пры праясненнях яна панізіцца да 21-26 градусаў. Удзень прагназуецца ад 8 градусаў марозу на захадзе да мінус 15 градусаў на ўсходзе. У пятніцу маразы ўзмоцняцца па ўсёй краіне: ноччу будзе мінус 20-25 градусаў, пры праясненнях да 26-30 градусаў, удзень - 15-20 градусаў марозу.

У выходныя маразы ўзмоцняцца яшчэ на пару градусаў, а ў нядзелю ўначы чакаецца мінус 23-30 градусаў, месцамі тэмпература паветра панізіцца да 31-34 градусаў. Тэмпература паветра ўдзень складзе мінус 15-20 градусаў, месцамі да 21-25 градусаў марозу. Пройдзе кароткачасовы снег.