«Белавія» не можа дамовіцца з «Расавіяцыяй»
6- 2.04.2012, 14:51
Беларуска-расейскія перамовы авіяцыйных ведамстваў пакуль безвыніковыя.
Пра гэта БелаПАН заявіў намеснік генеральнага дырэктара Нацыянальнай авіякампаніі «Белавія» Ігар Чаргінец.
Па ягоных словах, пералёты ажыццяўляюцца ў межах ранейшых дамоўленасцяў да 12 красавіка ўключна. «Да гэтай даты выдадзеныя дазволы і нам, і расейскім кампаніям», - удакладніў прадстаўнік «Белавія».
На пытанне, што будзе пасля 12 красавіка, Чаргінец адказаць не змог. «Цяжка сказаць, што гэта будзе - чарговы раўнд перамоваў ці кансультацыі, альбо якія-небудзь яшчэ метады ўзаемадзеяння», - сказаў ён.
У Міністэрстве транспарту і камунікацый Беларусі, а таксама ў дэпартаменце па авіяцыі сітуацыю не каментуюць.