Узбекістан выходзіць з АДКБ

Сакратарыят Арганізацыі Дамовы аб калектыўнай бяспецы пацвердзіў, што Ташкент накіраваў ноту з паведамленнем аб прыпыненні ўдзелу Узбекістана ў АДКБ.

«У дадзены момант экспертамі Арганізацыі праводзіцца ацэнка дакументаў, якія паступілі ў сакратарыят, іх юрыдычная экспертыза, і рыхтуецца даклад прэзідэнта дзяржаў - удзельніц АДКБ», - паведаміў РІА Новости прэс-сакратар Арганізацыі Уладзімір Зайнетдзінаў.

Ён не ўдакладніў прычыны такога рашэння Ташкента.

Дыпламатычная крыніца ў Маскве паведаміла РІА Новости ў чацвер, што Узбекістан накіраваў у сакратарыят АДКБ ноту аб прыпыненні свайго ўдзелу ў дзейнасці АДКБ.

Узбекістан ўжо выходзіў з АДКБ - у 1999 годзе Ташкент адмовіўся падоўжыць дамову, аднак у жніўні 2006 года Узбекістан аднавіў удзел у АДКБ.