Фільм па аповесці Быкава перамог на міжнародным кінафестывалі

Фільм «У тумане» беларуса Сяргея Лазніцы стаў пераможцам  дзевятага міжнароднага кінафестываля «Залаты абрыкос», які завяршыўся ў нядзелю ў Ерэване, у намінацыі «Гульнявое кіно».

Гэты ж фільм атрымаў узнагароду журы Міжнароднай асацыяцыі кінакрытыкаў Канскага кінафестывалю (FIPRESCI), паведамляе obozrevatel.com.

«Срэбны абрыкос» у той жа намінацыі дастаўся фільму «Здалёк здаецца прыгожым» польскіх рэжысёраў Анкі і Вільгельма Саснал, спецпрэмія - карціне «Лета» чылійца Хасэ Луіса Торэс Лейвы.

Лепшым дакументальным фільмам прызнаны «Пяць зламаных камер» палестынскіх рэжысёраў Эмада Бурната і Гі Давідзі. «Срэбны абрыкос» у намінацыі «Дакументальнае кіно» атрымаў фільм «Кніга тундры. Аповесць пра Вукувукай-маленькі камень» расеяніна Аляксея Вахрушава. Спецпрэмію журы ў гэтай конкурснай праграме атрымала грузіна-нямецкая стужка «Бахмаро» рэжысёра Саломе Джашы.

Уладальнікам «Залатога абрыкоса» за лепшы гульнявы фільм у конкурснай праграме «Армянская панарама» і ўзнагароды экуменічнага журы стала стужка «Калі ўсё ... » Наталлі Беляускене, а «Срэбны абрыкос» атрымала французскі рэжысёр армянскага паходжання Валеры Масадзян за фільм «Нана».

Лепшым дакументальным фільмам у праграме «Армянская панарама» была прызнана «Армянская рапсодыя» бразільскіх рэжысёраў армянскага паходжання Касіаны Цер-Аруцюнян, Сезара і Гары Кананянаў. Карціна таксама атрымала прэмію Брытанскага Савета.

Уладальнікам «Залатога абрыкоса» у праграме кароткаметражных фільмаў «Абрыкосавая костачка» стала стужка «Калі мы памром ноччу» бразільца Эдуарду Муруту, а спецпрэмію журы ў гэтай намінацыі атрымала стужка «Нязначныя дэталі выпадковага здарэння» расейскага рэжысёра Міхаіла Местецкага.

Спецыяльны дыплом экуменічнага журы атрымаў фільм «Будучыня доўжыцца вечна» турэцкага рэжысёра армянскага паходжання Азджана Алпера, а карціна «Першыя вясновыя дажджы» казахскага рэжысёра Ерлан Нурмухамбетава атрымала ўзнагароду журы Міжнароднай асацыяцыі кінакрытыкаў Канскага кінафестывалю (FIPRESCI).

Прэмію Саюза кінавытворцаў Арменіі атрымала дакументальная стужка «З Фідэлем, што б ні здарылася» сербскага рэжысёра Горана Радаванавіча, а прэмія «Грант Мацевасян» дасталася кароткаметражнаму фільму «Дрэнны бацька» Тыграна Аведзікяна - сына вядомага французскага рэжысёра армянскага паходжання Сержа Аведзікяна.

Карціна «Татуіроўкі маёй бабулі» аб сэксуальным рабстве падчас генацыду армян шведскага дакументаліста армянскага паходжання Сюзан Харталян атрымала прэмію Нацыянальнай кінаакадэміі Арменіі.

Дзевяты міжнародны ерэванскі фестываль «Залаты абрыкос» прайшоў у армянскай сталіцы 8-15 ліпеня.

Фестываль праводзіцца Ерэване з 2004 года і лічыцца адным з самых прэстыжных у рэгіёне. У 2010 годзе ён атрымаў галоўную прэмію Міжнароднага саюза кіно, тэлебачання і спорта Ficts Plate D'honneur.