Самалёт «Белавія» зламаўся ў расейскім аэрапорце

Ту-154М падчас пасадкі ў Наябрску выкаціўся на бакавую паласу бяспекі.

Зараз самалёт адрамантаваны, гаворыцца ў прэс-рэлізе Нацыянальнай авіякампаніі «Белавія».

«У ходзе правядзення папярэдняга разгляду выяўлена няспраўнасць гідрапомпы самалёта Ту-154М. На дадзены момант работнікамі авіятэхнічнай базы РУП «Нацыянальная авіякампанія «Белавія» выкананы комплекс работ па замене неабходнай дэталі», - адзначаецца там. «Плануецца, што заўтра, 30 жніўня, Ту -154М будзе дастаўлены на базу Нацыянальнага аэрапорта Менск», - гаворыцца ў паведамленні.

Там тлумачыцца, што 28 жніўня 2012 года, пры пасадцы ў аэрапорце Наябрска, у самалёта Ту-154М НАК «Белавія» адбылося выкатывание паветранага судна на бакавую паласу бяспекі падчас прабегу па ўзлётна-пасадачнай паласе. «Пасажыры чартарнага рэйса Гомель - Наябрск былі аператыўна выведзены, а паветранае судна было эвакуявана супрацоўнікамі аэрапорта», - гаворыцца ў прэс-рэлізе.

Там тлумачыцца, што ў самалёце знаходзіліся 152 пасажыры і 11 членаў экіпажа, ніхто не пацярпеў, Ту-154М не быў пашкоджаны, паведамляе «Інтэрфакс».

«Запасное паветранае судна, накіраванае за пасажырамі, якія рухаліся з Наябрска, ужо прызямлілася ў Гомелі», - падкрэсліваецца ў прэс-рэлізе.

Там звяртаецца ўвага на тое, што «перад вылетам з Гомеля ў Наябрск Ту-154М прайшоў планавы тэхнічны агляд спецыялістамі авіякампаніі і быў цалкам спраўны і гатовы да палёту».