Спецслужбы атакуюць тэлефоны Ірыны Халіп

На тэлефоны жонкі былога кандыдата ў прэзідэнты Андрэя Саннікава бесперапынна паступаюць званкі.

З-за гэтага датэлефанавацца на яе тэлефоны немагчыма, паведаміла журналістка Ірына Халіп сайту charter97.org.

«Пачалося гэта ў канцы мінулага тыдня. Раптам увечары тэлефон пачаў разрывацца званкамі, і ўсе патрабавалі «Мазду-3» чырвонага колеру, якой ніколі ў нас не было. Аказваецца, што аб'явы аб продажы аўтамабіля з маімі тэлефонамі - мабільным і хатнім - былі размешчаны на сайце tut.by. Я напісала ў службу тэхнічнай падтрымкі партала і аб'яву знялі. Але сёння раніцай мне давялося адключыць тэлефоны, таму што сталі тэлефанаваць цяпер ужо з нагоды аўтамабіля «Аўдзі-3». Цэлы дзень я правяла без тэлефона, потым вечарам уключыла, каб патэлефанаваць. Мне прыйшло паведамленне ад сотавага аператара, што тэлефанавалі... 223 разы. Потым званкі пачаліся зноў і на гэты раз ужо проста без паўз. Я моцна засумнявалася што ўсім жыхарам Менска раптам спатрэбілася «Аўдзі» і на першы ж паступіўшы званок адказала. Аказалася, што ад майго імя размясцілі аб'яву аб здачы кватэры...

Тое ж самае адбывалася перад выбарамі. Нашы з Андрэем Саннікавым тэлефоны атакавалі такім жа чынам.

Працаваць цалкам немагчыма, сувязь са светам адсутнічае. Галоўнае, шкада людзей, якія становяцца ахвярамі гэбэшных правакацый, таму што яны марнуюць час, тэлефануючы на мае тэлефоны. Увогуле ў КДБ ні розуму, ні фантазіі, як заўсёды. Усё гэта яны робяць на грошы падаткаплацельшчыкаў, ды яшчэ пішуць справаздачы начальству, як яны «ударна» папрацавалі. Лепш бы замест шайкі гультаёў фінансавалі шпіталі», - заявіла Ірына Халіп.