Праезд падаражэў на 110%

У студзені-жніўні 2012 года ў параўнанні са студзенем-жніўнем 2011 года кошт праезду пасажыраў чыгуначным транспартам у міжнародных зносінах узрос у 2,1 разоў (на 110%).

Пра гэта паведамляе БелаПАН са спасылкай на Белстат.

Кошт праезду аўтамабілем-таксі і аўтобусам прыгарадных зносін павялічыўся ў 2,1 разы, аўтобусам міжгародніх зносін - у 1,9 разоў, гарадскім транспартам - у 1,8 разоў, паветраным транспартам - у 1,7 разоў.

У жніўні 2012 года ў параўнанні з ліпенем 2012 года кошт праезду пасажыраў цягніком міжнародных зносін павялічыўся на 9,4%, паветраным транспартам - на 4,7%, аўтамабілем-таксі - на 0,7%, аўтобусам міжгародніх зносін - на 0,1 %, цягніком рэспубліканскага паведамлення - на 0,2%. Кошт праезду пасажыраў цягніком прыгарадных зносін, аўтобусам прыгарадных зносін, гарадскім транспартам застаўся без змяненняў.

У студзені-жніўні 2012 года ўсімі відамі транспарту (акрамя трамвайнага, тралейбуснага і метрапалітэна) перавезена 1.022,5 млн. чалавек, што на 2,8% больш, чым у студзені-жніўні 2011 года. Перавозкі пасажыраў паветраным транспартам павялічыліся на 21,3%, чыгуначным транспартам - на 15,5%, аўтобусамі - на 2%, унутраным водным транспартам - знізіліся на 1,6%.

У агульным аб'ёме перавозак пасажыраў аўтобусамі ў рэгулярным паведамленні доля гарадскіх перавозак пасажыраў склала 93,1%, прыгарадных - 6%, міжгародніх - 0,8%, міжнародных - 0,1%.