Фільм «У тумане» атрымаў узнагароду фестывалю «Кінашок»
6- 24.09.2012, 17:01
Фільмы паводле аповесці Васіля Быкава узнагароджаны на XXI Адкрытым фестывалі кіно краін СНД, Латвіі, Літвы і Эстоніі «Кінашок-2012».
Фестываль адбыўся ў Анапе, паведамляе БелТА.
Прыза за лепшую мужчынскую ролю ганараваны выканаўца галоўнай ролі - шляхавы абходчык Сушчэня - у экранізацыі аповесці Васіля Быкава «У тумане» рэжысёра Сяргея Лазніцы. У вытворчасці праекта акрамя беларускай кінастудыі ўдзельнічалі MA.JA.DE Fiction (Германія), кінакампанія «Джы Пі» (Расея), Rija Films (Латвія), Lemming Film (Нідэрланды), тэлеканал ZDF/ARTE (Германія), Фонд падтрымкі еўрапейскага кіно EURIMAGES.
Фільм «У тумане» раней атрымаў прэстыжны прыз журы Міжнароднай федэрацыі кінапрэсы FIPRESCI на 65-м міжнародным кінафестывалі ў Канах, Гран-пры VI Міжнароднага кінафестывалю імя Андрэя Таркоўскага «Люстэрка», прыз «Залаты абрыкос» на IX Міжнародным кінафестывалі ў Ерэване і ўзнагароду Адэскага міжнароднага фестывалю (АМКФ).
У конкурсе поўнаметражных фільмаў «Кінашок-2012» удзельнічалі 14 карцін. Крэсла старшыні журы ў гэтым годзе займаў пісьменнік Уладзімір Вайновіч.
«Кінашок» рэгулярна праходзіць з 1992 года. За дваццаць гадоў фестываль стаў адным з найбольш важных, прадстаўнічых і паважаных кінафорумаў на постсавецкай прасторы, дзе адкрываюцца новыя імёны ў сучасным кінематографе, адбываецца знаёмства з новымі работамі мэтраў кіно.