Маўрытанія перадала Лівіі былога шэфа выведкі Кадафі
18- 5.09.2012, 13:41
Улады Маўрытаніі перадалі Трыпалі былога кіраўніка лівійскай выведкі і блізкага паплечніка Муамара Кадафі - Адбулу аль-Сенусі.
Пра гэта паведамляе lenta.ru са спасылкай на AFP са спасылкай на мясцовае дзяржаўнае тэлебачанне.
Выдача адбылася праз паўгода пасля яго арышту ў Маўрытаніі. Факт перадачы былога галоўнага выведніка рэжыму Кадафі агенцтву на ўмовах ананімнасці пацвердзіла ўрадавая крыніца. Ідзе гаворка аб чыноўніке з лівійскага або маўрытанскага ўрада, не ўдакладняецца.
У панядзелак, 3 верасня, маўрытанскія навінавае агенцтва «Аль-Ахбар» паведаміла, што ў краіну з візітам прыбыў міністр замежных спраў Лівіі Андан Мансур Абдала (Adnane Mansour Abdellah). Па звестках выдання, мэтай яго паездкі стала сустрэча з аль-Сенусі.
Былы начальнік лівійскай выведкі быў затрыманы ў сталіцы Маўрытаніі Нуакшоце ў сакавіку 2012 года. Пры сабе ў яго былі падробленыя дакументы. Нягледзячы на абяцанне перадаць яго Трыпалі ўлады Маўрытаніі пазней заявілі, што арыштаваны павінен спачатку паўстаць перад мясцовым судом. Яго абвінавачвалі ў незаконным уездзе ў краіну і падробцы дакументаў.
Ці адбыўся над аль-Сенусі працэс у Маўрытаніі, не ўдакладняецца.
Акрамя Лівіі выдачы паплечніка зрынутага лідэра джамахірыі таксама патрабуюць Міжнародны крымінальны суд (МКС), Францыя, Іспанія і Саўдаўская Аравія.