Беларусь выплаціла МВФ $100 мільёнаў

Беларусь ажыццявіла чарговае пагашэнне пазыкі па крэдыце Міжнароднага валютнага фонду.

Пра гэта charter97.org паведаміла прэс-служба Міністэрства фінансаў.

«11 кастрычніка 2013 года Рэспубліка Беларусь у мэтах выканання сваіх абавязацельстваў па крэдыце стэнд-бай МВФ ажыццявіла чарговае пагашэнне асноўнай пазыкі ў памеры 64,7 млн. СДР (эквівалентна 99,3 млн. даляраў ЗША)», - паведамілі ў прэс-службе ведамства.

Папярэдні плацёж у адрас МВФ у памеры 83,9 млн. даляраў Беларусь ажыццявіла 1 кастрычніка 2013 года. Усяго з пачатку года выплаты па крэдыце МВФ дасягнулі 1 млрд. 304 млн. даляраў. Асноўны пік выплаты пазыкі прыпадае на 2013-2014 гады, калі краіне прыйдзецца вярнуць большую частку пазыкі.

Пяць траншаў крэдыту ў рамках праграмы стэнд-бай на 3,46 млрд. даляраў Беларусь атрымала ад МВФ у 2009-2010 гадах.