Менскае «Дынама» праз буліты саступіла «Віцязю»
10- 17.10.2013, 21:08
- 7,906
Паразай ад чэхаўскага «Віцязя» ў серыі булітаў - 1:2 (0:0, 1:0, 0:1, 0:0, 0:1) 17 кастрычніка хакеісты менскага «Дынама» пачалі чарговую выязную серыю ў чэмпіянаце КХЛ.
Шайбы закінулі:
у «Дынама» - Аляксандр Мацярухін (35.26, асістэнты - Джэф Плат, Яраслаў Крыстэк);
у «Віцязя» - Дзмітрый Шыцікаў (53.16, асістэнты - Вячаслаў Саладухін, Дынара Хафізулін), вызначальны буліт - Дзмітрый Шыцікаў.
Штрафны час: 18 - 2. Кідкі: 29 - 39.
Пасля 16 матчаў «Дынама» з 18 баламі займае 7-е месца ў дывізіёне Баброва, 14-е - у Заходняй канферэнцыі і 24-е - у агульнай табліцы (5 перамог у асноўны час, 2 паразы ў овэртайме, 1 параза праз буліты, 8 параз у асноўны час, розніца шайбаў 32-44). Адставанне ад зоны плэй-оф складае 6 балаў, піша БелаПАН.
Наступныя тры сустрэчы беларуская каманда таксама правядзе на выездзе: 19 кастрычніка - з казанскім «Ак Барсам», 21-га - з ніжагародскім «Тарпеда», 23-га - з маскоўскім «Дынама».