У Кунцаўшчыне забаранілі спартыўныя гульні і «любовь-морковь»
19- 18.10.2013, 17:45
- 37,883
Дзіўныя аб'явы можна ўбачыць у менскім мікрараёне Кунцаўшчына.
У прыватнасці, на адным з дамоў на вуліцы Адзінцова вісіць надпіс, які забараняе спартыўныя гульні, «тусоўкі» і «любовь-морковь», піша «Русский репортер».
Кансультацыю, як вынікае з аб'явы, можна атрымаць у найбліжэйшым аддзяленні міліцыі.
Нагадаем, расейскі часопіс сёння запусціў адмысловы праект пад назвай «Менск-24».
Больш за 170 журналістаў з Расеі і Беларусі на працягу 24 гадзін вядуць анлайнавую трансляцыю пра жыццё сталіцы нашай краіны і яе жыхароў.
Падобныя праекты ўжо праходзілі ў лістападзе 2011 года ў Новасібірску, у сакавіку 2012 года ў Казані, у верасні 2012 года ў Екацярынбургу, вясной 2013 года ў Уфе, а таксама больш чым у 15 гарадах Расеі ў лютым 2013 года ў рамках праекта «Нана-24».