Хлеб даражэе на 10%
122- 4.10.2013, 9:48
- 66,247
Такое рашэнне прынятае Міністэрствам эканомікі па прапанове Мінсельгасхарча.
Пра гэта гаворыцца ў пастанове Мінэканомікі ад 26.09.2013г. №70.
«Гэтай пастановай, па прапанове Мінсельгасхарча, прадугледжаная магчымасць павышэння ў кастрычніку 2013 года на 10% гранічных максімальных адпускных коштаў на хлеб жытні і жытна-пшанічны, булачныя вырабы з пшанічнай мукі з утрыманнем па рэцэптуры цукру і тлушчаў у суме не вышэй за 14 адсоткаў», - адзначаюць у Мінэканомікі.
Гаворка ідзе пра рэгуляванне коштаў вытворцаў на тыя віды хлеба і булачных вырабаў, якія выпякаюцца па простай рэцэптуры без дадатковай сыравіны і адносяцца да ніжняй коштавай групы. Гэтай пастановай на іх ўстанаўліваюцца кошты ад 3116 да 6002 рублёў за кілаграм.
Пастанова Мінэканомікі ад 26.09.2013г. №70 уступае ў сілу пасля яе афіцыйнага апублікавання.
Бягучае падаражэнне хлеба трэцяе ў 2013 годзе.