Асад прапанаваў Берліну стаць пасярэднікам на перамовах з апазіцыяй

Сірыйскі дыктатар заявіў, што Нямеччына магла б стаць пасярэднікам на перамовах урада з прадстаўнікамі сірыйскай апазіцыі.

З усіх дзяржаў Еўрапейскага звязу толькі Германія і Аўстрыя маюць «самы аб'ектыўны погляд» на тое, што адбываецца ў Сірыі, падкрэсліў Асад. І ён гатовы прыняць у Сірыі прадстаўнікоў ФРГ «для ўрэгулявання крызісу ў арабскай рэспубліцы», піша NEWSru.com.

«Калі яны ўступяць з намі ў дыялог, гэта не значыць, што яны падтрымліваюць наш урад», - мяркуе прэзідэнт. Менавіта гэтыя словы мясцовыя назіральнікі расцанілі як гатоўнасць Дамаска супрацоўнічаць з Берлінам у пытанні сірыйскага ўрэгулявання, адзначае ІТАР-ТАСС.

«Калі вы думаеце, што вам варта нас ізаляваць, то я адкажу, што тым самым вы ізалюеце самі сябе, ізалюеце ад рэальнасці. Гаворка ідзе і аб вашых інтарэсах», - заявіў Асад, намякнуўшы на актыўнасць «Аль-Каіды» ў рэгіёне.

На прамы кантакт надзеі мала: у тым жа інтэрв'ю Асад зноў заявіў, што не збіраецца садзіцца за стол перамоваў з паўстанцамі, пакуль тыя не спыняць баявыя дзеянні і не складуць зброю.

У сваю чаргу міністр нацыянальнага прымірэння Сірыі Алі Хайдэр раней заявіў у інтэрв'ю, што перамовы ўжо ідуць на мясцовым узроўні паміж лідарамі некаторых апазіцыйных груп і прадстаўнікамі ўрада. Хайдэр падкрэсліў, што ў гэтым выпадку гаворка ідзе пра групы, не звязаныя з «Аль-Каідай».