Краіны «Усходняга партнёрства» атрымаюць € 500 мільёнаў ад Швецыі

Урад Швецыі плануе вылучыць 500 млн еўра краінам - удзельніцам праграмы «Усходняга партнёрства».

Пра гэта міністр замежных спраў Швецыі Карл Більт напісаў у сваім артыкуле, што быў апублікаваны ў газеце «День».

«У рамках ЕЗ і ў рамках здзяйснення двухбаковай дапамогі Швецыя цвёрда настроена падтрымліваць інтэграцыю Усходняй Еўропы. Да канца гэтага года ўрад Швецыі плануе прыняць новую сямігадовую стратэгію супрацоўніцтва з краінамі «Усходняга партнёрства», вылучыўшы на гэтыя мэты 500 млн еўра. Гэта - дадатак да маштабнай праграмы, што цяпер абмяркоўваецца, па падтрымцы краін гэтага рэгіёну на перыяд 2014-2020 гадоў, якую ЕЗ спадзяецца здзейсніць», - сказаў міністр.

Карл Більт адзначае, што на многіх напрамках, нягледзячы на розныя праблемы, «Усходняе партнёрства» «дасягнула большага, чым чакалі яго ініцыятары. Ён заявіў, што спадзяецца завяршыць перамовы адносна Пагаднення аб асацыяцыі, уключаючы палажэнне аб глыбокай і ўсёабдымнай зоне свабоднага гандлю з Грузіяй, Малдовай і Украінай да саміту ў Вільні.

«Гэтыя пагадненні маюць беспрэцэдэнтны маштаб і аб'ём. Спрошчаны таксама рэжым паездак грамадзян паміж ЕЗ і ўсімі краінамі «Усходняга партнёрства», акрамя Беларусі, якая яшчэ павінна даць адказ на прапанову ЕЗ адносна Пагаднення аб спрашчэнні візавага рэжыму 2011 года, - сказаў ён.

Карл Більт падкрэсліў, што супрацоўніцтва ЕЗ з Беларуссю абмежаванае.

«Беларусь так і не выканала даўняе патрабаванне ЕЗ адносна вызвалення ўсіх палітычных зняволеных, тут мала што сведчыць аб рэальных рэформах. Як следства, ЕЗ прыняў санкцыі і праводзіць палітыку разборліва запрашэння, таму двухбаковае супрацоўніцтва паміж ЕЗ і Беларуссю абмежаванае», - піша міністр.