«Выпадкова» пабудаваная дзевяціпавярхоўка перакрыла шашу ў Кітаі
14- 8.10.2013, 13:14
- 38,884
Кітайскія чыноўнікі былі вымушаныя адчувальна скараціць аўтастраду з васьмі да чатырох палос на адным з участкаў, паколькі ў гэтай зоне «раптам» аказалася дзевяціпавярхоўка.
Праблема заключаецца ў тым, што першапачаткова быў збудаваны і заселены незвычайна выбітны дом, а потым горадабудаўнікі вырашылі, што ўздоўж новага квартала неабходна ўзвесці шырокую аўтастраду, перамясціць якую не атрымаецца, піша korrespondent.net.
Пасля доўгіх перамоваў з жыхарамі муніцыпалітэт вырашыў проста махнуць рукой на праблему. У выніку, забудоўшчыкі і ўлады вырашылі, што перасяляць жыхароў у новы будынак і бурыць няўдалы гмах - празмерна дорага, і цяпер насельнікам гэтага будынка ў горадзе Сіань у правінцыі Шэньсі прыйдзецца абстрагавацца ад таго, што яны жывуць пасярод шашы з інтэнсіўным трафікам, адзначае The Daily Mail, публікуючы фота дзіўнага аб'екта.
Выданне іранізуе, што дарога, у выніку, так і не рэалізавала сваю асноўную задачу - разгрузіць транспартны паток, замест гэтага справакаваўшы яшчэ большыя заторы.
«Нам, вядома, вельмі не падабаецца боўтацца пасярод 60-метровай магістралі, але паступова прывыкаеш да гэтага. Калі б чыноўнікі прапанавалі прыстойныя кампенсацыі за новы пераезд, многія б з радасцю пагадзіліся з'ехаць адсюль, у той жа час некаторыя ўжо цалкам агнездаваліся і наўрад ці захочуць з'язджаць», - каментуе адзін з жыхароў шматпавярхоўкі Шынг Су.