Чыноўнікам дазволілі шыкаваць у камандзіроўках

Беларускія ўлады дазволілі самім сабе, знаходзячыся ў службовых паездках, здымаць дарагія нумары ў гатэлях з наступнай кампенсацыяй поўнага кошту пражывання.

Адпаведная пастанова Мінфіна №62 падпісаная 17 верасня.

У прыватнасці, вышэйшым службовым асобам, якiя ўключаныя ў кадравы рэестр Лукашэнкі, будзе цалкам аплачана пражыванне ў двух- і больш мясцовых нумарах або нумарах вышэйшай катэгорыі незалежна ад колькасці людзей, якія пражываюць у дадзеным нумары, піша АФН.

Звычайным людзям (грамадзянам РБ) пакрыццё будзе ажыццяўляцца па фактычных расходах, але не вышэй за кошт аднамеснага нумара (аднаго месца ў нумарах з колькасцю месцаў для пражывання двух і больш, а з дазволу наймальніка - у нумарах вышэйшай катэгорыі).

Згодна з дакументам, з гэтага часу камандзіраваным унутры рэспублікі цяпер будуць аплачвацца расходы на паслугі сувязі, аплату стаянкі і праезд транспартных сродкаў па платных аўтамабільных дарогах.

З дазволу ці ведама наймальніка дазволена кампенсаваць, уключаючы міжнародныя камандзіроўкі, даплату за правоз багажу звыш нормы, праезд па платных аўтамабільных дарогах, платную стаянку, паслугі сувязі, кошт сняданку і г.д.

Дакументам таксама ўстаноўлена, што калі камандзіраванаму работніку бок, які прымае або накіроўвае, аплачвае харчаванне, сутачныя выплачваюцца ў памеры 50% ад устаноўленай нормы.