Андрэй Мезін: збіраю рэчы, каб адправіцца ў Омск
2- 8.10.2013, 18:20
- 8,433
Беларускі галкіпер пацвердзіў планы падпісаць кантракт з омскім «Авангардам».
Пра гэта ён распавёў у інтэрв'ю «Прессболу».
- Так, цяпер у «Авангарда» не найлепшыя часы. Але тым больш адказная і цікавая задача. Але ж прыемна імкнуцца да чагосьці сур'ёзнага.
- Калі омцы пачалі канкрэтную размову?
- Якурат падчас іх нядаўняга візіту ў Менск на гульню з «Дынама».
- Упэўнены, яе глядзеў. А з боку заўсёды прасцей ацаніць сутнасць праблем «ястрабаў» наогул і Ласіла ў прыватнасці…
- Глядзеў, вядома, хоць у дзень матчу як раз адлучаўся з Менска. І ўсё роўна паглядзеў трансляцыю, хоць далёкасяжных высноў не рабіў. Для гэтага трэба было б прааналізаваць усе матчы клуба ў сезоне, а не адну-дзве гульні. І ўжо тым больш з майго боку было б не зусім карэктна абмяркоўваць гульню фінскага калегі.
- Кантракт да канца гэтага сезона?
- Дык я яго пакуль не падпісаў. Цяпер вось збіраю рэчы, каб вечарам адправіцца ў Омск. На месцы і абмяркуем з кіраўніцтвам усе дэталі.
Пра тое, што «Авангард» цікавіцца Андрэем Мезіным сёння на сустрэчы з заўзятарамі омскага клуба заявіў генеральны мэнэджэр клуба Юрась Карманаў.
З ягоных слоў дасведчаны брамнік разглядаецца ў якасці дублёра для яшчэ аднаго патэнцыйнага пачаткоўца клуба - канадскага галкіпера Мэцью Гарона, які павінен далучыцца да «Авангарда», як толькі развяжа пытанне з візай. Што да Андрэя Мезіна, то ў яго ёсць расейскі пашпарт і на яго легіянерскія квоты не распаўсюджваюцца.