Ялфімаў прайшоў у наступны раўнд шоў «Голас» (Відэа)

Беларускі спявак выйшаў пераможцам з трэцяга этапу конкурсу - накаўтаў.

У гэты раз на сцэне сустрэліся тры ўдзельнікі з кожнай каманды. Толькі двое з іх маглі працягнуць свой удзел у бітве за званне «Лепшага Голаса».

Ад каманды Леаніда Агуціна ў гэты вечар на рынгу выступілі Пётр Ялфімаў, Георгій Мелікішвілі і Этэры Берыашвілі. У выніку ў наступны этап прайшлі Ялфімаў і Берыашвілі, піша «Салідарнасць».

«Голас» адрозніваецца ад звыклых тэлевізійных шоў. З 150 прэтэндэнтаў на ўдзел у праекце настаўнікі набралі ў свае каманды па 14 чалавек. Пры гэтым настаўнікі ацэньвалі толькі галасы канкурсантаў, не бачачы іх саміх.

Настаўнікі праекта - Дзіма Білан, Леанід Агуцін, Аляксандр Градскі, Пелагея.