Саладуха будзе змагацца за квіток на «Еўравізію» (Аудыё)
165- 23.11.2013, 10:12
- 54,100
Сёння спявак падае заяўку на ўдзел у песенным конкурсе.
Вось ужо некалькі тыдняў беларусы абмяркоўваюць відэаролік, дзе Саладуха ў самбрэра ў духу плаката «Радзіма-маці кліча!» заклікае ўсіх удзельнічаць у нацыянальным даборным туры на «Еўравізію». Адразу ж пайшлі плёткі: маўляў, так ён і сам падасца - ужо і абмяркоўваў гэты варыянт з прадусарамі Белтэлерадыёкампаніі. Але спачатку спявак стаў аднеквацца: «Што вы, столькі канцэртаў - ні сіл, ні часу няма на гэтыя конкурсы».
Аднак «Комсомольской правде в Беларуси» атрымалася даведацца, што Аляксандр таемна ўвечары ў чацвер запісаў новую кампазіцыю ў адной з менскіх студый, цяпер аранжыроўку песні робіць студыя ў Маскве, дзе запісваецца яго блізкі сябар - расейскі спявак Стас Міхайлаў.
- Дзякуй, што так цікавіцеся маім удзелам у конкурсе, - нават узрадаваўся званку Аляксандр і пацвердзіў свой удзел у даборы. - Я запісаў абсалютна новую песню і глыбока перакананы, што гэта будзе стоадсоткавы хіт! Музыка Леаніда Шырына, вершы Вольгі Рыжыкавай, называецца «Мая жанчына». Наогул не сумняваюся, што менавіта яе на конкурсе павінен праспяваць, яна такая запальная!
З гэтай песняй Саладуха падае заяўку на «Еўравізію»
Словы ў песні такія:
«Ты моя весна, вечная весна, сумасшедшая!
Все пережила, век переждала - и не зря!
Мудрая моя, идеальная, моя женщина,
Там, где будешь ты, там всегда с тобой буду я!»
- Я калі пачаў разбіраць гэтую песню, ужо адчуў, што гэта яна. Гэта хіт, які спадабаецца кожнаму мужчыну, а якія шанцы ў мяне на перамогу - пажывем - пабачым! - адзначыў спявак.