«Стоп-падатак»: кіроўцы перакрылі праспект Незалежнасці (Відэа, онлайн)
629- 20.12.2013, 18:08
- 345,157
Аўтамабілісты пратэставалі супраць падатку на аўто.
Акцыя, аб якой было абвешчана ў сацыяльных сетках некалькі дзён таму, пачалася, як і планавалася, а 18-й гадзіне на цэнтральным праспекце Менска. Кіроўцы аўтамабіляў ехалі вельмі марудна альбо спыняліся. Да 18:10 рух па праспекце практычна спыніўся. Відавочцы акцыі паведамлялі, што ў акцыі ўзялі ўдзел дзясяткі аўтамабілістаў.
Мы вялі онлайн-транляцию акцыі:
19:04 Акцыя скончылася.
18:55 Да станцыі метро «Кастрычніцкая» падагналі аўтазак.
18:53 Супрацоўнікі АМАПа сталі ўздоўж праезнай часткі, як мінімум, ад Палаца рэспублікі да Макдональдса. Людзей не выпускаюць з метро на «Кастрычніцкай».
18:51 Адзін з удзельнікаў акцыі адкрыў вокны ў аўто і ўключыў Belarus Freedom «Ляпісаў».
18:50 Аўтамабілі едуць па праспекце з нізкай хуткасцю. Пешаходы актыўна падтрымліваюць акцыю.
18:47 Яшчэ адну машыну затрымалі ля кафэ «Госці».
18:46 АМАП пачынае адціскаць людзей ад праезнай часткі.
18:45 На тратуары ля арт. метро Кастрычніцкая сабралася блізу 200 чалавек.
18:41 Кіроўцы працягваюць сігналіць ля Галоўпаштамта.
По данным наблюдателей около 30 машин сигналят на проспекте в районе Главпочтамта #автомайдан #наблюдение #avtoby #stopnalog
— Belhelcom (@Belhelcom) 20 декабря 2013
18:40 Як паведамляюць відавочцы, супрацоўнікі ДАІ спынілі аўтамабіль, за шклом якога быў аркуш з тэкстам «Хопіць абдзіраць!» І з салона гучалі «Ляпісы».
18:37 ДАІ не пускае на праспект аўіамбілі з суседніх вуліц, іх прымушаюць ехаць у іншы бок.
18:36 Аўтамабілі з расейскімі нумарамі таксама падтрымліваюць акцыю і сігналяць.
18:33 Ля плошчы Перамогі затрымалі былога палітвязня Аляксандра Францкевіча.
18:27 Мінакі на ходніках пляскаюць у ладкі ў знак падтрымкі ўдзельнікаў акцыі.
18:25 На Кастрычніцкай плошчы стаіць адзін аўтобус з амапаўцамі. Міліцыя і ДАІ пакуль не робяць актыўных дзеянні ў дачыненні да ўдзельнікаў акцыі.
На Октябрьскую пл. приехал зелёный автобусик с ОМОНом. Пока не разгружается. #стопналог #minsk pic.twitter.com/Mv6wBoJGKO
— by24org (@by24org) 20 декабря 2013
18:20 Найбольш вялікая колькасць аўтамабіляў - на ўчастку ад будынка Белдзяржцырка да плошчы Перамогі. На многіх аўтамабілях - плакаты «Стоп падатак».
Началось! Очень многие авто сигналят, на многих - наклейки #стопналог. Однако движение не блокируют. #minsk pic.twitter.com/XVMvsa5nSb
— by24org (@by24org) 20 декабря 2013
18-11. Ад Цырку і да плошчы Перамогі — усе суцэльна сігналяць.
— Viasna (@viasna96) 20 декабря 2013
18:05 «Праспект Незалежнасці перакрыты кіроўцамі, ва ўсіх аўтамабіляў уключаны «аварыйкі» і яны сігналяць», - піша адзін з відавочцаў.
Проспект независимости перекрыт водителями, у всех включены аварийки и сегналят @tutby pic.twitter.com/ChyuIdxym3
— Сучидла (@Soko1ok) 20 декабря 2013
на праспекце дзвіжуха) #стоппадатак #стопналог
— Kiryl Tsvilik (@kirylt) 20 декабря 2013
18:00 На праспекце Незалежнасці значна павялічылася колькасць даішнікаў. У раёне Кастрычніцкай плошчы заўважаны аўтазак.
Нагадаем, у наступным годзе ў Беларусі можа з'явіцца аналаг транспартнага падатку – дзяржаўны збор за выдачу дазволу на допуск транспартнага сродку да ўдзелу ў дарожным руху. Плаціць яго прыйдзецца пры праходжанні дзяржаўнага тэхнічнага агляду як юрыдычным, так і фізічным асобам.
Новаўвядзенне выклікала пратэст беларусаў. Пад зваротам да ўладаў з патрабаваннем адмяніць падатак на аўто за некалькі дзён было сабрана амаль 80 тысяч подпісаў. Сёння аўтамабілісты плануюць перакрыць праспект Незалежнасці.
Пятніца 20 снежня, 18.00 - такая дата пазначаная на старонцы аднаго з карыстальнікаў сацыяльнай сеткі «Фэйсбук» для правядзення акцыі «Стоп-падатак» у выглядзе аўтамабільнага затору галоўнай магістралі сталіцы. Такія дзеянні 7 чэрвеня 2011 года ў рамках акцыі «Стоп-бензін», арганізаванай інфармацыйна-асветніцкай установай «За аўто» паралізавалі аўтамабільны трафік на праспекце на некалькі гадзін.