Кіяўлян запрашаюць сустрэць святы на Еўрамайдане

Еўрамайдан запрашае ўсіх кіяўлян і гасцей сталіцы правесці навагоднія і калядныя святы на Майдане Незалежнасці.

Пра гэта паведамляе прэс-служба партыі «Батькивщина».

«На Новы год Еўрамайдан рыхтуе для ўкраінцаў нямала сюрпрызаў, сярод якіх канцэрты культавых выканаўцаў, батлейкі ад лепшых калектываў і ўнікальная акцыя «Запалі ўвесь свет», - гаворыцца ў паведамленні.

Плануецца, што сустрэча Новага года на Майдане пачнецца з узыходам першай зоркі.

Зараз на тэрыторыі Майдана працуюць Адкрыты ўніверсітэт (лекцыі чытаюць штодня а 16:00 за галоўнай сцэнай з боку Лядскай брамы) і Адкрытая кіназала (з 20:00), а таксама праводзяцца курсы англійскай мовы (штодня а 16:00 у Доме прафсаюзаў).

Акрамя таго, там дзейнічаюць мастацкая фотавыстава (барыкада з боку Еўрапейскай плошчы), а ў Доме архітэктара праводзяцца шахматныя турніры.

«Заклікаем усіх 31 снежня праігнараваць зварот Януковіча і сустрэць Новы год сумесным выкананнем украінскага гімна на Майдане Незалежнасці», - падкрэсліваюць у Батькивщине.

Акрамя таго, з 24 снежня (каталіцкая куцця ) - і да 19 студзеня на Майдане будуць праходзіць розныя святочныя і адукацыйныя мерапрыемствы.

«ДэмАльянс» разам з ініцыятывай «Не Злы Майдан», грамадскімі актывістамі і крэатыўнай прасторай Еўрамайдану пачынаюць Каляднае «майданування» з мэтай прыцягнення грамадскасці да актыўнага правядзення калядных святаў і творчага самавыяўлення ўдзельнікаў Еўрамайдана .

Як паведамлялася, у навагоднюю ноч на сцэне Еўрамайдана могуць выступіць Modern Talking і Pink Floyd.