У Менску кіроўца пазадарожніка збіў інваліда

Кіроўца аўтамабіля збіў пажылога інваліда за просьбу вызваліць месца на тратуары.

Здарэнне адбылося 17 сакавіка ў Менску.

Пра гэта паведаміў чытач charter97.org Сяргей Аляксандраў.

«Гэта адбылося ўчора, 17 сакавіка, прыкладна ў 15:30 каля крамы «Еўраопт» па вуліцы Нікіфарава. Пасля снежнай завеі і заносаў тратуары не прыведзеныя ў парадак да гэтага часу, але падыход да крамы паспелі расчысціць. Па баках жа ляжаць гурбы ў чалавечы рост. Кіроўца аўтамабіля маркі SsangYong Rexton чорнага колеру паставіў яго прама на тратуар, загарадзіўшы падыход да крамы», - адзначыў чытач.

Ён дадаў, што міма праходзіў чалавек у старэчым узросце, які папрасіў уладальніка машыны ад'ехаць, каб людзі маглі прайсці.

«Кіроўца вельмі рэзка адрэагаваў на просьбу пажылога інваліда: выскачыў з машыны і нанёс яму ўдар у скронь. Пасля гэтага ён упаў на снег, рассыпаўшы пакет з прадуктамі. На жаль, я не паспеў запісаць нумар аўтамабіля. Памятаю толькі тое, што кіроўцу пазадарожніка было на выгляд 35-40 гадоў. Маюцца таксама фатаграфіі, на якіх аўтамабіль стаіць на тратуары. Але ў міліцыю я іх аддаць не магу, так як не відаць нумары. Я заклікаю ўсіх відавочцаў таго, што здарылася, адгукнуцца і дапамагчы знайсці нягодніка», - сказаў на заканчэнне мужчына.