Бабруйчанін адкрыў стральбу па гарадскім аўтобусе

У Бабруйску 21-гадовы мясцовы жыхар адкрыў стральбу з пісталета па гарадскім аўтобусе. Пацярпелых няма.

Як паведаміла БелаПАН афіцыйны прадстаўнік упраўлення Следчага камітэта па Магілёўскай вобласці Аксана Саленюк, інцыдэнт меў месца па ходзе руху аўтобуса № 9 каля дома № 62 па вуліцы Савецкай 19 сакавіка прыкладна ў 19.45.

«Малады чалавек страляў з траўматычнага пісталета з боку, процілегламу руху аўтобуса. Кулі трапілі ў акно кіроўцы і яшчэ ў два акенца. На шчасце, людзі не пацярпелі», - сказала яна.

Падазраваны ў хуліганстве быў затрыманы супрацоўнікамі дэпартамента аховы. Ён знаходзіўся ў стане моцнага алкагольнага ап'янення. Да гэтага часу малады чалавек не можа даць тлумачэнні сваіх паводзінам і прычынам стральбы. Як адзначыла Саленюк, раней ён быў судзімы за хуліганскія дзеянні.