Беларуская гульнявая кампанія стала ахвярай банды «чытэраў»
41- 11.04.2013, 19:17
У інтэрнэце выкрытая злачынная групоўка, якая займалася крадзяжом і мадыфікацыяй звестак распрацоўнікаў кампутарных гульняў.
Ахвярамі зламыснікаў сталі распрацоўнікіі онлайн-гульняў з Азіі, Еўропы, Паўночнай і Паўднёвай Амерыкі. Расследаванне дзейнасці злачыннай групы, якая атрымала назву Winnti, публікуе Расейскі даследчы цэнтр (GReAT) «Лабараторыі Касперскага».
Хакерская група, якая мае кітайскія карані, дзейнічае ўжо на працягу некалькіх гадоў і спецыялізуецца на правядзенні нападаў на кампаніі, якія займаюцца кампутарнымі онлайн-гульнямі. Асноўнай мэтай нападнікаў з'яўляецца крадзеж зыходных кодаў гульнявых праектаў гэтых кампаній і лічбавых сертыфікатаў. Акрамя таго, іх цікавяць звесткі аб арганізацыі сеткавых рэсурсаў (у тым ліку гульнявыя серверы) і новых распрацоўках: канцэптах, дызайне і да т.п.
Адметнай асаблівасцю хакераў было распаўсюджванне траянскіх праграм з легальным лічбавым подпісам. Так, у 2011 годзе яны здолелі заразіць сервер абнаўленняў буйной гульнявой кампаніі і ўсталяваць траянец на кампутары карыстальнікаў. Сам па сабе шкодны модуль стаўся першым траянам з легальным лічбавым подпісам для 64-бітнай версіі АС Windows і атрымаў назву Backdoor.Win32 (Win64). Winnti.
Даследнікі вылучылі тры асноўныя схемы манетызацыі, якія маглі быць выкарыстаны групоўкай Winnti:
1. Несумленнае назапашванне гульнявой валюты / «золата» ў онлайн-гульнях і перавод віртуальных сродкаў у рэальныя грошы.
2. Крадзеж зыходных кодаў у сервернай часткі онлайн-гульняў для пошуку неабароненасці ў гульнях - далей глядзі пункт 1.
3. Крадзеж зыходных кодаў сервернай часткі папулярных онлайн-гульняў для наступнага разгортвання пірацкіх сервераў.
Такім чынам, зламыснікі гадамі ўплывалі на хаду гульняў заражаных кампаній, выпампоўвалі адтуль грошы, але рабілі гэта так, каб не прыцягваць да сябе ўвагу. На кампутарным слэнгу такі тып махлярства называецца чытэрства (ад ангельскай падмануць -. махляваць, хітраваць).
Прадстаўнікі «Лабараторыі Касперскага» не публікуюць назву беларускай кампаніі, якая стала ахвярай кітайскіх хакераў, але ў нашай краіне не так шмат сусветна вядомых распрацоўнікаў онлайн-гульняў: мабыць размова ідзе пра Wargaming.net (распрацоўнік «Свет Танкаў»).
