Беларусь скараціла пастаўкі нафтапрадуктаў на Захад на 23,5%

У студзені-лютым 2013 года Беларусь паставіла ў краіны далёкага замежжа 1 млн. 976,5 тыс. тон нафтапрадуктаў, экспарт знізіўся на 23,5%.

Беларусь у студзені-лютым 2013 года імпартавала 3 млн 592,4 тыс. тон нафты, што на 2% менш у параўнанні з тым жа перыядам 2012 года, гаворыцца ў матэрыялах Нацыянальнага статыстычнага камітэта Беларусі, паведамляе «Інтэрфакс».

Там адзначаецца, што ў студзені-лютым 2013 года ўвесь аб'ём імпарту прыйшоўся на Расею.

Сярэднекантрактныя кошты імпарту нафты ў студзені-лютым 2013 года знізіліся на 3,5% і склалі $426 за тону.

Між тым, па дадзеных дзяржстатыстыкі, у студзені-лютым 2013 года экспарт нафтапрадуктаў з Беларусі склаў 2 млн. 666 тыс. тон і скараціўся ў параўнанні і тым жа перыядам 2012 года на 15,5%. Сярэднекантрактныя кошты экспарту знізіліся на 4,7% да $801 за тону.

У студзені-лютым 2013 года Беларусь паставіла ў краіны СНД 689,5 тыс. тон нафтапрадуктаў (рост на 20,6%), экспарт у краіны далёкага замежжа склаў 1 млн. 976,5 тыс. тон і знізіўся на 23,5%. Сярэднекантрактныя кошты экспарту ў краіны СНД знізіліся на 4,7% да $904 за тону, у краіны далёкага замежжа - на 6,3% да $766 за тону.

У студзені-лютым 2013 года Беларусь таксама імпартавала 45,6 тыс. тон нафтапрадуктаў, што склала толькі 2,4% ад узроўню аналагічнага перыяду 2012 года. Пры гэтым сярэднекантрактныя кошты імпарту выраслі на 15,9% да $708 за тону. Практычна ўвесь аб'ём імпарту (42,3 тыс. тон) прыйшоўся на краіны СНД.

Акрамя таго, у студзені-лютым 2013 года Беларусь імпартавала з РФ 4,2 млрд. куб.м. прыроднага газу, што на 5,3% менш у параўнанні з тым жа перыядам 2012 года. Сярэдні кошт імпарту склаў $164 за 1 тыс. куб.м. і знізіўся ў параўнанні з тым жа перыядам 2012 года на 2,6%.

За два месяцы бягучага года Беларусь таксама імпартавала з краін СНД 1 млрд 62,9 млн кВт-г электраэнергіі, што на 29,8% больш у параўнанні з тым жа перыядам 2012 года. Сярэдні кошт імпарту склаў $62 за 1 тыс. кВт-г і знізіўся ў параўнанні са студзенем-лютым 2012 года на 4,2%.

У студзені-лютым 2013 года Беларусь паставіла на экспарт 260,4 тыс. тон здабытай у рэспубліцы сырой нафты, што на 3,3% менш у параўнанні з тым жа перыядам 2012 года. Сярэдні кошт экспарту склаў $806 за тону і знізіўся на 0,3%.

Паводле звестак Белстата, у студзені-лютым 2013 года сальда знешняга гандлю энерганосьбітамі склалася станоўчым і склала $15,2 млн супраць дэфіцыту ў студзені-лютым 2012 года ў памеры $679,5 млн. Экспарт энерганосьбітаў склаў $ 2 млрд 398,4 млн і знізіўся на 17,6%, імпарт энерганосьбітаў скараціўся на 33,6% да $2 млрд 383,2 млн. На энергетычныя тавары прыйшлося 56,9% вартаснага аб'ёму экспарту і 48,9% імпарту прамежкавых тавараў.